دايماً كنت باخد قررات كتير غلط لكن مكانتش بتأثر على حياتي بشكل كبير ، والقرار الوحيد اللي خدته ناحية دخول البيت دا كان اكبر غلط ، لأنه ببساطة
غير مجرى حياتي تماماً..!!
كثرة الكلام على شئ مخيف او يرعب الآخرين
كنت بتسرع انا في البحث وراء الشيء اللي مخوفهم دا ، وفي أواخر الاحداث اللي دايرة عندنا في الدقهلية وتحديداً في طلخا كان اخر حدث يحصل هو بيت البهنساوي ..!
لأن من بعد الحدث كثرت الكلام على البيت زادت اوي
وبقا الكل يخاف من بيت البهنساوي..!! و اي حد يسمع اسمه بس يستعذ بالله ويقفل الموضوع
لكن انا مش بسكت خالص..
ومن زمان ابويا كان بيحكلنا انا واخواتي عن اسطورة البيت دا وأنه زمان كان اسمه (فيلا البهنساوي )و اللي بناها
(فاروق عزت البهنساوي) راجل عايش لوحده لا ولاد..ولا زوجة مفيش غير بعض الناس اللي بتساعده زي السواق الخاص بــي (ابراهيم الزيني) وزي الشغالة
(عنيات عبده الصغير) وكل فين وفين صحابه كانوا بيجوا يسهروا معاه و يمشوا ، وفي يوم عم فاروق البهنساوي مبقاش يظهر ولا حتى السواق ولا الشغالة ولا صحابه بيجوا اصلا كأنهم وقعوا في حفرة ومخرجوش منها..!!
بدأت الاقاويل تقولك أن اخر مرة شوفنا كان مسافر وباع البيت ، ومرة يقولك دا مات والحكومة خدت البيت ، وكتير اوي من الحكايات.....
بس اخرب خبر..!! قالنا عليه ابويا
أن البهنساوي راجل صاحب كرامات وكان صحابه بيجوا عنده يعملوا اعمال للبلد عشان تتفقر وهما اللي يبقوا اغنياء البلد بس..!!
طبعا أنا كاطفل صغير بحب القصص دي جداً ، بس كنت بسمعها عشان اروح في النوم مش اكتر ،و لحد ما كبرت وسمعنت عن البيت دا كتير
لكن جه الحدث اللي فزع البلد شوية أو رجعه
لسنين الخوف من تاني.!!
وهو أن في عيلة صحيت من النوم ، لقت ابنها مش موجود في الاوضة بتاعته..!!
*** عنده ٧ سنوات اسمه (عمار) فضلت العيلة تبحث على الطفل في البيت كله لكن مفيش أثر ، زودت العيلة البحث ولفت البلد كلها لكن مفيش اثر برضو.!
محدش شاف الطفل قبل كدا في اي حتة ، لكن الشئ الي
اثار جدل البلد ، أن الطفل رجع لوحده فجأة البيت بعد اسبوع من البحث..!!
في يوم العيلة دي صحيت لقيت الطفل نايم على سريره ومش فاكر اي حاجة من الي حصلت له ، لكن بعديها بكام يوم الطفل كان ماشي مع أمه في البلد وعدى من جمب بيت البهنساوي وقال لامه أنه دخل البيت دا قبل كدا وقابل
راجل جوا..!!
شكت أمه في الكلام لكن فضلت حافظة السر ، لحد ما حصلت نفس الحادثة تاني ، لكن المرادي مش لعمار
دا كان الطفل (رامي) وبرضو اختفى اسبوع وبعديها رجع البيت لوحده ، لكن يختلف رامي عن عمار في شيء
وهو انه فاكر اللي حصل في الاسبوع دا..!!
قال رامي أنه دخل بيت البهنساوي وشاف راجل لابس بدلة سودة و طربوش احمر ومعاه صحابه اللي لابسين زيه وطول الاسبوع الراجل دا كان مهتم برامي جداً من أكل وشرب لحد ما جه اخر يوم في الاسبوع وشاف رامي منظر قدامه
لا يمكن ينساه..!!
وهو أن الراجل ابو طربوش احمر هو وأصحابه قاعدين على طرابيزة وكلهم مقتـــ-لوين و حد طعــ-نهم بسكــ-ينة..!!
جري رامي من البيت وهو بيجري وقع من على سلم البيت ولما صحي لاقى نفسه في بيت أهله استغربت الأهالي من القصة، لكن اجتمعوا وهددوا الحكومة انهم يدخلو ويعرفوا سر البيت دا اي..؟!
وفعلاً لبت الحكومة الطلب عشان تهدي تجمهر البلد ، وفي يوم دخل ثلث أشخاص من الحكومة عشان تعرف السر..؟!
ولما دخلوا بعديها بساعة ظهرت صرخة كبيرة جاية من ناحية البيت وال٣ رجال مخرجوش حتى الان..!!
يومها تراجعت البلد كلها عن البيت دا وفي منهم اللي هرب و طفش خوفا من اللي حصل ، ومنهم الي فضل وبطل يتكلم عن البيت وعن اللي بيعمله ، نسيت البلد القصة ونسيت اللي بيحصل واتقفلت كل القصص ضد مجهول..!!
ومحدش عارف السر ، لكن انا الفضول كان رئيسي في تلك الأمور وقررت ادخل البيت لوحدي عشان اعرف
اللي بيحصل جوا..؟!
كانت الساعة ١ بليل و انا واقف قدام باب بيت البهنساوي صوت فوضى الليل بيرن في وداني ، وقبضت الخوف كانت ماسكة فيا و مسيطرة على عقلي لكن كنت بحاول ابعد تفكيري عن الخرافات دي ، اول شئ المسه في البيت دا كان هو الباب ، كان شكله جميل جداً هو اه مترب بس شكله تحفة فنية..!! عليه زخرفة يدوية غريبة كأنها كلمات والغاز ، مقبض الباب من النحاس وكان تقيل جداً ، فتحت الباب اللي كان مفتوح اصلا ودخلت جوا وبدأت اللعبة.
اول حاجة حسيتها في البيت ، أنه لي ريحة غريبة تحسها ريحة زمان ، وقفت شوية بتفقد بعيني المكان ، في وشي على طول سلم يطلع على الدور التاني ، وعلى يميني طرقة بتودي على الحمام والمطبخ وعلى شمالي
غرفتين وليهم طرقة طويلة برضو
والصالة او المكان اللي كنت واقف فيه هو واسع شوية فيه طرابيزة سفرة قديمة جداً حتى كراسي السفرة الاربعة مكسرة وشبه معدومة وكلهم مقلوبين في الارض مفهمش كرسي سليم و طرابيزة السفرة عليها زي ورق كوتشينة لكن لما قربت منه عشان اشوف اي دا..؟! و قربت كشاف الموبايل ناحية الورقة لقيتها مكتوب عليها (شخبطة وسهم لفوق )
والورقة التانية
( حرف الــــ م وسهم لتحت )
والورقة التالتة
(حرف الــ س وسهم شمال)
والورقة الرابعة والأخيرة
(حرف الــ خ وسهم يمين )
مفهمتش حاجة من الورقة ..!! و رجعته مكانه تاني ، ودخلت على الحمام والمطبخ عشان اعرف فيهم اي..؟!
اول ما دخلت الطرقة و كان متعلق فيها برواز لثلاث أشخاص لابسين طرابيش حمرا ، صورة كان باين عليها قديمة بسبب هدوم الناس اللي فيها والخلفية اللي وراهم وكمان تاريخ الصورة اللي مكتوب بخط صغير في نهاية الصورة ١٩... مش باين باقي التاريخ ، كملت خطواتي لقدام لحد ما وصلت عند باب الحمام واللي كان واسع شوية ومنقسم لحاجتين حمام وحوض لوحدهم و بانيو صغير في الارض لوحده ، لكن في الحمام حصلت حاجة غريبة..!!
وانا بوجه كشاف الموبايل ناحية مقعد الحمام لاحظت بنت.!! لابسة فستان اسود منقط ابيض ، وشعرها اسود فحمة
بس كان مغطي وشها ، وجلد أيدها ابيض شاحب مشقق..!! مشوفتش تفاصيل كتير بسبب أن النور فصل ولما رجع تاني لوحده وفي نفس الثانية اختفت البنت..!!
في لحظتها انا رجعت خطوتين لورا أو بمعني اصح اتفزعت وخبطت البرواز و وقع على الأرض بس الحمد **** متكسرش بس في حاجة افزع من أنه يتكسر..!! لما شلته من على الأرض عشان ارجعه مكانه، لاقيت الصورة فاضية..!!
الأشخاص التلاتة اللي كانوا فيها
مش موجودين خالص الصورة صفحة بيضة..؟!
بس مكنش دا المرعب ، يمكن تخيلت صور الاشخاص ، لكن أن اتخيل بشخص في المطبخ فجأة دا اللي مش خيال
لأنه حتى لما قربت منها مختفتش، فضلت واقفة زي ماهي
بعد وقوع البرواز نور المطبخ نور لوحده ولما دخلت ، لاقيت واحدة لابسة مريلة وشعرها طويل واصل لحد وسطها
و لون الشعر اسود ، واقفة و مدياني ظهرها ، قربت منها لحد ما بقيت واقف وراها وحطيت ايدي على كتفها
ويارتني ما حطيت ..!!
لفت فجأة ليا بعينها المريبة اللي كانت كلها دم اسود وابتسمت ليا ابتسامة مرعبة..!!
ونور المطبخ اللي كان شغال فصل مرة واحدة و مفضلش غير نور كشاف الموبايل اللي كان مركز على وش الست المخيفة دي..!!
اللي بسببها جريت على بارا وخرجت للصالة عشان اشوف باقي الرعب اللي مستنيني ..!! لأن لما خرجت لاقيت السفرة رجعت لحالتها الطبيعية وبدل ماهي مكسرة وحالها تعبان رجعت جديدة جداً و بتلمع كمان ، فضلت واقف مصدوم وباصص عليها مش مصدق..!!
لحد ما نزل شخص من على السلم..!! و بص نحيتي وقال اهلا اهلا بيك نورت بيتي المتواضع..!!
البارت الثاني (2)والاخير من قصة (خبايا منزل البهنساوي)
وقبل ما نبدأ في الرعب متنساش تصلى على النبى في قلبك
نزل شخص من على السلم و بص ناحيتي وقال :
اهلا اهلا بيك نورت بيتي المتواضع..
بس مكنش كلامه متوجه ليا دا كان حد جاي من باب الشقة.!!
بقيت واقف قريب منهم و بسمع اللي بيتقال ، بس لفت نظري أن كل معالم الشقة اتغيرت باين كدا رجعت بالزمن لعصر فاروق البهنساوي
وفي الوقت دا كان بيستقبل البهنساوي صحابه وكان
اول واحد يوصل هو
( مراد أيمن الظواهري)
كان لابس البدلة السودة و الطربوش الاحمر ودخل على فاروق البهنساوي اللي خده بالاحضان و رحب بيه على السفرة وبعد دقايق خبط باب البيت
وقال فاروق البهنساوي : افتحي الباب يا عنيات دا اكيد
(سيف الظواهري) وصل
فتحت عنيات الشغالة الباب و دخل سيف بيه وكان لابس بدلة سودة برضو و طربوش احمر وقعد مع فاروق و مراد على نفس طرابيزة السفرة
وقال فاروق : كدا مفضلش غير (خالد الظواهري)
ونبدأ كلامنا
بعد عشر دقايق من الصمت وصل (خالد الظواهري) البيت ورحب بيه فاروق وقعد معاهم على السفرة عشان يبداء كلامهم
واللي كان بيتلخص في أن البهنساوي عايز يعمل
عمل سفلي للأخوات دول..!! و يبقوا من
كبرات البلد ، وهيبقى تحت ايدهم سلطات كتيرة ويقدروا يتحكموا فيها زي ماهما عايزين
رد مراد بيه على كلام فاروق البهنساوي وقال : وانت هتستفاد اي..؟! يا بهنساوي لما احنا نكون كبرات البلد
البهنساوي : هستفاد انكم هتخلصونا من (خليل باشا) وظلمه لينا وأنه مش عايز يدخل الحشــ-يـش قريتنا ويسمح لينا بالخــمر واستحاب النســ-وان انت مش عارف أننا بنعمل كل دا في الخفا عشان محدش يعرف بيه ونفضل
في نظر الناس اولياء
خالد : انا معاك يا بهنساوي ، بس لي متبقاش
انت كبير القرية.؟!
البهنساوي : اولا مش بحب الحكم يا خالد بيه
ثانياً بقا ودا الأهم اني مينفعش اعمل العمل دا ليا لازم
حد يكون بارا النسل بتاعي
سيف : وعلى كدا مين فينا احنا التلاتة اللي هيمسك
شيخ القرية ويتحكم في أمورها
البهنساوي : الحكم هيبقى ثلاثي لعيلة الظواهري و اي حد فيكم يقدر يتحكم في امور البلد ومحدش ينزله كلمة ، وطبعا هيبقى ليا انا كل الاختيارات بعيد عن فقراء البلد يا سيف بيه
ضحك الكل على كلام فاروق وبعديها وافق الكل على كلامه وطلب منهم البهنساوي أنه ياخد صورة ليهم بمناسبة الاحتفال دا ، وقام الكل من على السفرة عشان يدخلوا الاوضة اللي فيها كاميرا التصوير
وقفت الإخوات التلاتة وقام فاروق بالتقاط الصورة
وبعديها غادروا البيت ، واتفقوا يتقابلوا تاني بعد
يوم تنفيذ العمل..!
و رجع البيت تاني لحالته ، ورجع كئيب ومخيف بدأت أتجول فيه من تاني ، بس بعيد عن الحمام والمطبخ المرعبين دخلت الغرف اللي على الشمال من وانا داخل من بابا البيت ، وكانت اول اوضة فيها قماشة كبيرة بيضا وكرسي خشب وكاميرا قديمة جداً ، وقفت قدامها وفجأة الكامير
صورتني لوحدها...!!
قربت منها عشان اشوفها...ولاقيت صورتي في الكاميرا لكن مكنتش لوحدي..!!
كان في واحدة ست جمبي هي هي نفس الست الي شوفتها في المطبخ..!!
خرجت جري من الاوضة بسبب اللي شوفته جوا..!!
و قبل ما ادخل الاوضة التانية ، طلعت على السلم عشان اعرف اي اللي في الدور الي فوق..؟!
واللي هو كان عبارة عن ٣ غرف ، غرفة في الوش و غرفة على يميني و اخر غرفة على شمالي ، قربت من الغرف التلاتة ودخلت الغرفة اللي على اليمين وفتحت اوكرة الباب اللي كانت مصديا
عملت صوت تكة لحد ما الباب اتفتح وكانت الصدمة..!!
كانت الاوضة فاضية تماماً مفيهاش غير لمبة صفرا نازلة من السقف وكرسي محطوط في منتصف دايرة حمرا وفيها علامة اكس وعلى الكرسي كان موجود جثمان بني ادم..!!
بس اتحلل خالص بقا هيكل عظم وفي أسنانه في ورقة مكتوب فيها
(حرف الــ م وسهم لليمين)
للوهلة بدأت افهم الورقة دي تخص اي ، بس عشان أتأكد كان لازم ادخل باقي الغرف ، واللي لاقيت فيها كل اللي توقعته
دخلت الاوضة اللي بعدها ، والي كانت في الوش على طول وكان فيها نفس الأوضة اللي فاتت اللمبة الصفرة والكرسي و الدايرة الحمرا وحتى كمان الجثة موجودة لكن تختلف الورقة اللي موجودة في بوقه وكان مكتوب
(حرف الـــ م و سهم لتحت)
وطبعاً عزيزي المرعب اخر غرفة كان فيها الورقة الأخيرة واللي هي تخص حرف الــ خ
اللي هو جثته خالد الظواهري
مكنتش فاهم كل دا لي وكل دا حصل ازاي لكن عرفت لما دخلت الاوضة التانية اللي في الدور الارضي تحت
ولما دخلتها لاقيت مكتب وقاعد عليه شخص مديني ظهره ولابس طربوش احمر وكان بيكتب حاجة لكن الاوضة اتغيرت فجأة..!! زي ما الصالة والسفارة اتغيروا ولقيت فاروق البهنساوي هو اللي كان قاعد على المكتب ومديني ظهره و قام من مكانه عشان سمع صوت الباب بيخبط ، وخرج من الغرفة على بارا عشان يستقبل صحابه الثلاثة من عيلة الظواهري
قام بضيافتهم وقعدو على السفرة وبدء الكلام
سيف الظواهري : ها يا فاروق هنعمل اي..؟!
البهنساوي : كل واحد هياخد ورقة من دي..!! ومعاها سكــ-ينة وهيطلع الغرف اللي فوق ويدخل يقعد على الكرسي وانا هشتغل من مكاني هنا ، و اول ما تقعدوا على الكرسي تفتحوا حتة صغيرة من أي مكان في جسمكم المهم تنزلوا د-م على الورقة اللي معاكم وساعتها العمل يبدأ..!!
استغربوا الاخوات التلاتة من طلب فاروق البهنساوي لكن وافقوا من غير نقاش و طلعوا على الدور اللي يفوق وكل واحد دخل غرفته وقعد على الكرسي زي ما فاروق طلب
فضل فاروق قاعد على السفرة لوحده وماسك الورقة اللي فيها شخبطة وشوية طلاسم وبدء يقول كلام غريب و غمض عينه وفجاءة...!!
طلعت عنيات الشغالة من ورا فاروق البهنساوي و طعنته عدة طعنات لحد ما فارق الحياة...!!
وكان في نفس الوقت ابراهيم الزيني سواق فاروق الخاص بيطـــ-عن الاخوات الثلاثة عيلة الظواهري..!!
مفهمتش حاجة وكنت مصدوم جداً من اللي حصل وبشوفه.!!
لكن فضلت متابع عشان اعرف الحقيقة
بعد ما خلص ابراهيم الزيني قتل عيلة الظواهري ، نزل لعنيات عشان يطمن إنها خلصت على فاروق بيه البهنساوي ولما أتأكد إنها خلصت عليه
غدر بيها..!! و دخل وراها المطبخ و خنقها لحد ما مــ*اتت ، مفضلش غير (ابراهيم الزيني) بس اللي عايش
وبعد كل دا لاقيته دخل الغرفة الاولى اللي في الارضي ، ولما دخلت وراه ملقتش حاجة..!! اختفى ملوش اثر...!!
بس قبل ما يختفى وقعت منه ورقة كبيرة زي البطاقة فيها صورته واسمه لكن الاسم دا انا عارفه
دا اسم ابويا...!! جمال كامل العزيزي
مش ممكن هل ابراهيم يبقى هو جمال ابويا ازاي..!!
خدت الورقة وخرجت من بيت البهنساوي جري ناحية بيتنا ولاقيت ابويا قاعد بيتكلم مع احفاده و بيحكلهم قصة
بيت البهنساوي اللي كان بيحكهالي زمان وانا صغير ، دخلت عليه و قطعته في الكلام وقولت : انا عرفت بقا القصة الحقيقية يا ابراهيم يا زيني..؟!
بصلي ابويا باستغراب وقام من مكانه وقال انت جبت الكلام دا منين يا (زين)
زين : مش مهم المهم اني عرفت الحقيقة وانك طلعت مخبي علينا انك السبب في اللي بيحصل في بيت البهنساوي
وانت اللي مخلص عليهم كلهم..!!
فجاءة ابويا وشه احمر وقال : اسكت انت متعرفش الحقيقة
زين : لا عرفت انك قتلت البهنساوي وصحابه انت
وعنيات الشغالة
جمال : و معرفتش اني لحقت البلد من شر كبير جاي عليها انت متعرفش فاروق البهنساوي و عيلة الظواهري دول بيعملوا اي ، كان كل اسبوع يجيبوا خمرا وحشــ-يشو نسوان و بيقلب البيت بتاعه مسخرة وكان عايز يخلص على
(خليل باشا) شيخ البلد ساعتها ، و يمسكوها هما عشان الخراب يعم على البلد كان زمانك دلوقتي بياع مخــ-درات وعيل مدمن لو الناس دي كانت مسكت القرية، انا اللي أنقذت البلد من فقر و زنـ-ــا وخراب
وجاي تتهمني اني السبب في اللي بيحصل جوا
زين : طيب لي قتــ-لت عنيات الشغالة؟!
جمال : دي الحاجة الوحيدة اللي ندمت عليها طول حياتي بسبب أن الشيطان لعب بيا وقتـ-ـلتها عشان اخد صندوق الدهب اللي عند فارق البهنساوي
زين : اما اي قصة الاطفال اللي بتظهر في البيت دي
وترجع تاني لأهلها..؟!
جمال : دا كان انا.... بخوف الناس عشان تبعد عن البيت ومتعرفش اللي حصل جوا..!! لكن حصل عكس كدا والشرطة حاولت الدخول ساعتها قولت هتكشف لكن لحقت نفسي و سبقتهم هناك و خلصت عليهم وقبل ما اخلص على الأخير فيهم صرخ صرخة جامدة اوي..!! خاف مني كان فاكرني عفريت أو جن بقتل فيهم ، وبعد ما خلصت عليهم خبتهم في البيت والحمدالله الناس خافت من البيت اكتر و بعدت عنه خالص ، بس اكيد مش هيجي ابني في الاخر وهو اللي
هيبلغ عني..؟!
زين : اي هتقتلني انا كمان..؟!
جمال : دي الحاجة الوحيدة اللي مقدرش اجاوب عليها لكن لو مصمم تعمل كدا فأنا اهوا قدامك
مكنتش عارف اعمل اي مش عارف اختار مين ، عيني كلها دموع و مش قادر افكر دخلت اوضتي وقعدت افكر لحد ما روحت في النوم ، و يومها صحيت على صريخ جامد اوي كانت امي ، شافت ابويا منتحر..!! و سايب ورقة كاتب فيها انا اسف يا زين بس هو دا الحل طالما هيريحك ابوك جمال
ساعتها حسيت بالذنب وندمت اني دخلت البيت ، وعرفت لي ر** بيبقى حاجب عننا الحقيقة ومش عايز يورهالنا عارف انها هتوجعنا وتوجهنا لطريق الهلاك و بلا راجعة.......
وكدا تكون خلصت قصتنا ي*** تكون عجبتكم
سلااااااااااااااام..🫡
غير مجرى حياتي تماماً..!!
كثرة الكلام على شئ مخيف او يرعب الآخرين
كنت بتسرع انا في البحث وراء الشيء اللي مخوفهم دا ، وفي أواخر الاحداث اللي دايرة عندنا في الدقهلية وتحديداً في طلخا كان اخر حدث يحصل هو بيت البهنساوي ..!
لأن من بعد الحدث كثرت الكلام على البيت زادت اوي
وبقا الكل يخاف من بيت البهنساوي..!! و اي حد يسمع اسمه بس يستعذ بالله ويقفل الموضوع
لكن انا مش بسكت خالص..
ومن زمان ابويا كان بيحكلنا انا واخواتي عن اسطورة البيت دا وأنه زمان كان اسمه (فيلا البهنساوي )و اللي بناها
(فاروق عزت البهنساوي) راجل عايش لوحده لا ولاد..ولا زوجة مفيش غير بعض الناس اللي بتساعده زي السواق الخاص بــي (ابراهيم الزيني) وزي الشغالة
(عنيات عبده الصغير) وكل فين وفين صحابه كانوا بيجوا يسهروا معاه و يمشوا ، وفي يوم عم فاروق البهنساوي مبقاش يظهر ولا حتى السواق ولا الشغالة ولا صحابه بيجوا اصلا كأنهم وقعوا في حفرة ومخرجوش منها..!!
بدأت الاقاويل تقولك أن اخر مرة شوفنا كان مسافر وباع البيت ، ومرة يقولك دا مات والحكومة خدت البيت ، وكتير اوي من الحكايات.....
بس اخرب خبر..!! قالنا عليه ابويا
أن البهنساوي راجل صاحب كرامات وكان صحابه بيجوا عنده يعملوا اعمال للبلد عشان تتفقر وهما اللي يبقوا اغنياء البلد بس..!!
طبعا أنا كاطفل صغير بحب القصص دي جداً ، بس كنت بسمعها عشان اروح في النوم مش اكتر ،و لحد ما كبرت وسمعنت عن البيت دا كتير
لكن جه الحدث اللي فزع البلد شوية أو رجعه
لسنين الخوف من تاني.!!
وهو أن في عيلة صحيت من النوم ، لقت ابنها مش موجود في الاوضة بتاعته..!!
*** عنده ٧ سنوات اسمه (عمار) فضلت العيلة تبحث على الطفل في البيت كله لكن مفيش أثر ، زودت العيلة البحث ولفت البلد كلها لكن مفيش اثر برضو.!
محدش شاف الطفل قبل كدا في اي حتة ، لكن الشئ الي
اثار جدل البلد ، أن الطفل رجع لوحده فجأة البيت بعد اسبوع من البحث..!!
في يوم العيلة دي صحيت لقيت الطفل نايم على سريره ومش فاكر اي حاجة من الي حصلت له ، لكن بعديها بكام يوم الطفل كان ماشي مع أمه في البلد وعدى من جمب بيت البهنساوي وقال لامه أنه دخل البيت دا قبل كدا وقابل
راجل جوا..!!
شكت أمه في الكلام لكن فضلت حافظة السر ، لحد ما حصلت نفس الحادثة تاني ، لكن المرادي مش لعمار
دا كان الطفل (رامي) وبرضو اختفى اسبوع وبعديها رجع البيت لوحده ، لكن يختلف رامي عن عمار في شيء
وهو انه فاكر اللي حصل في الاسبوع دا..!!
قال رامي أنه دخل بيت البهنساوي وشاف راجل لابس بدلة سودة و طربوش احمر ومعاه صحابه اللي لابسين زيه وطول الاسبوع الراجل دا كان مهتم برامي جداً من أكل وشرب لحد ما جه اخر يوم في الاسبوع وشاف رامي منظر قدامه
لا يمكن ينساه..!!
وهو أن الراجل ابو طربوش احمر هو وأصحابه قاعدين على طرابيزة وكلهم مقتـــ-لوين و حد طعــ-نهم بسكــ-ينة..!!
جري رامي من البيت وهو بيجري وقع من على سلم البيت ولما صحي لاقى نفسه في بيت أهله استغربت الأهالي من القصة، لكن اجتمعوا وهددوا الحكومة انهم يدخلو ويعرفوا سر البيت دا اي..؟!
وفعلاً لبت الحكومة الطلب عشان تهدي تجمهر البلد ، وفي يوم دخل ثلث أشخاص من الحكومة عشان تعرف السر..؟!
ولما دخلوا بعديها بساعة ظهرت صرخة كبيرة جاية من ناحية البيت وال٣ رجال مخرجوش حتى الان..!!
يومها تراجعت البلد كلها عن البيت دا وفي منهم اللي هرب و طفش خوفا من اللي حصل ، ومنهم الي فضل وبطل يتكلم عن البيت وعن اللي بيعمله ، نسيت البلد القصة ونسيت اللي بيحصل واتقفلت كل القصص ضد مجهول..!!
ومحدش عارف السر ، لكن انا الفضول كان رئيسي في تلك الأمور وقررت ادخل البيت لوحدي عشان اعرف
اللي بيحصل جوا..؟!
كانت الساعة ١ بليل و انا واقف قدام باب بيت البهنساوي صوت فوضى الليل بيرن في وداني ، وقبضت الخوف كانت ماسكة فيا و مسيطرة على عقلي لكن كنت بحاول ابعد تفكيري عن الخرافات دي ، اول شئ المسه في البيت دا كان هو الباب ، كان شكله جميل جداً هو اه مترب بس شكله تحفة فنية..!! عليه زخرفة يدوية غريبة كأنها كلمات والغاز ، مقبض الباب من النحاس وكان تقيل جداً ، فتحت الباب اللي كان مفتوح اصلا ودخلت جوا وبدأت اللعبة.
اول حاجة حسيتها في البيت ، أنه لي ريحة غريبة تحسها ريحة زمان ، وقفت شوية بتفقد بعيني المكان ، في وشي على طول سلم يطلع على الدور التاني ، وعلى يميني طرقة بتودي على الحمام والمطبخ وعلى شمالي
غرفتين وليهم طرقة طويلة برضو
والصالة او المكان اللي كنت واقف فيه هو واسع شوية فيه طرابيزة سفرة قديمة جداً حتى كراسي السفرة الاربعة مكسرة وشبه معدومة وكلهم مقلوبين في الارض مفهمش كرسي سليم و طرابيزة السفرة عليها زي ورق كوتشينة لكن لما قربت منه عشان اشوف اي دا..؟! و قربت كشاف الموبايل ناحية الورقة لقيتها مكتوب عليها (شخبطة وسهم لفوق )
والورقة التانية
( حرف الــــ م وسهم لتحت )
والورقة التالتة
(حرف الــ س وسهم شمال)
والورقة الرابعة والأخيرة
(حرف الــ خ وسهم يمين )
مفهمتش حاجة من الورقة ..!! و رجعته مكانه تاني ، ودخلت على الحمام والمطبخ عشان اعرف فيهم اي..؟!
اول ما دخلت الطرقة و كان متعلق فيها برواز لثلاث أشخاص لابسين طرابيش حمرا ، صورة كان باين عليها قديمة بسبب هدوم الناس اللي فيها والخلفية اللي وراهم وكمان تاريخ الصورة اللي مكتوب بخط صغير في نهاية الصورة ١٩... مش باين باقي التاريخ ، كملت خطواتي لقدام لحد ما وصلت عند باب الحمام واللي كان واسع شوية ومنقسم لحاجتين حمام وحوض لوحدهم و بانيو صغير في الارض لوحده ، لكن في الحمام حصلت حاجة غريبة..!!
وانا بوجه كشاف الموبايل ناحية مقعد الحمام لاحظت بنت.!! لابسة فستان اسود منقط ابيض ، وشعرها اسود فحمة
بس كان مغطي وشها ، وجلد أيدها ابيض شاحب مشقق..!! مشوفتش تفاصيل كتير بسبب أن النور فصل ولما رجع تاني لوحده وفي نفس الثانية اختفت البنت..!!
في لحظتها انا رجعت خطوتين لورا أو بمعني اصح اتفزعت وخبطت البرواز و وقع على الأرض بس الحمد **** متكسرش بس في حاجة افزع من أنه يتكسر..!! لما شلته من على الأرض عشان ارجعه مكانه، لاقيت الصورة فاضية..!!
الأشخاص التلاتة اللي كانوا فيها
مش موجودين خالص الصورة صفحة بيضة..؟!
بس مكنش دا المرعب ، يمكن تخيلت صور الاشخاص ، لكن أن اتخيل بشخص في المطبخ فجأة دا اللي مش خيال
لأنه حتى لما قربت منها مختفتش، فضلت واقفة زي ماهي
بعد وقوع البرواز نور المطبخ نور لوحده ولما دخلت ، لاقيت واحدة لابسة مريلة وشعرها طويل واصل لحد وسطها
و لون الشعر اسود ، واقفة و مدياني ظهرها ، قربت منها لحد ما بقيت واقف وراها وحطيت ايدي على كتفها
ويارتني ما حطيت ..!!
لفت فجأة ليا بعينها المريبة اللي كانت كلها دم اسود وابتسمت ليا ابتسامة مرعبة..!!
ونور المطبخ اللي كان شغال فصل مرة واحدة و مفضلش غير نور كشاف الموبايل اللي كان مركز على وش الست المخيفة دي..!!
اللي بسببها جريت على بارا وخرجت للصالة عشان اشوف باقي الرعب اللي مستنيني ..!! لأن لما خرجت لاقيت السفرة رجعت لحالتها الطبيعية وبدل ماهي مكسرة وحالها تعبان رجعت جديدة جداً و بتلمع كمان ، فضلت واقف مصدوم وباصص عليها مش مصدق..!!
لحد ما نزل شخص من على السلم..!! و بص نحيتي وقال اهلا اهلا بيك نورت بيتي المتواضع..!!
البارت الثاني (2)والاخير من قصة (خبايا منزل البهنساوي)
وقبل ما نبدأ في الرعب متنساش تصلى على النبى في قلبك
نزل شخص من على السلم و بص ناحيتي وقال :
اهلا اهلا بيك نورت بيتي المتواضع..
بس مكنش كلامه متوجه ليا دا كان حد جاي من باب الشقة.!!
بقيت واقف قريب منهم و بسمع اللي بيتقال ، بس لفت نظري أن كل معالم الشقة اتغيرت باين كدا رجعت بالزمن لعصر فاروق البهنساوي
وفي الوقت دا كان بيستقبل البهنساوي صحابه وكان
اول واحد يوصل هو
( مراد أيمن الظواهري)
كان لابس البدلة السودة و الطربوش الاحمر ودخل على فاروق البهنساوي اللي خده بالاحضان و رحب بيه على السفرة وبعد دقايق خبط باب البيت
وقال فاروق البهنساوي : افتحي الباب يا عنيات دا اكيد
(سيف الظواهري) وصل
فتحت عنيات الشغالة الباب و دخل سيف بيه وكان لابس بدلة سودة برضو و طربوش احمر وقعد مع فاروق و مراد على نفس طرابيزة السفرة
وقال فاروق : كدا مفضلش غير (خالد الظواهري)
ونبدأ كلامنا
بعد عشر دقايق من الصمت وصل (خالد الظواهري) البيت ورحب بيه فاروق وقعد معاهم على السفرة عشان يبداء كلامهم
واللي كان بيتلخص في أن البهنساوي عايز يعمل
عمل سفلي للأخوات دول..!! و يبقوا من
كبرات البلد ، وهيبقى تحت ايدهم سلطات كتيرة ويقدروا يتحكموا فيها زي ماهما عايزين
رد مراد بيه على كلام فاروق البهنساوي وقال : وانت هتستفاد اي..؟! يا بهنساوي لما احنا نكون كبرات البلد
البهنساوي : هستفاد انكم هتخلصونا من (خليل باشا) وظلمه لينا وأنه مش عايز يدخل الحشــ-يـش قريتنا ويسمح لينا بالخــمر واستحاب النســ-وان انت مش عارف أننا بنعمل كل دا في الخفا عشان محدش يعرف بيه ونفضل
في نظر الناس اولياء
خالد : انا معاك يا بهنساوي ، بس لي متبقاش
انت كبير القرية.؟!
البهنساوي : اولا مش بحب الحكم يا خالد بيه
ثانياً بقا ودا الأهم اني مينفعش اعمل العمل دا ليا لازم
حد يكون بارا النسل بتاعي
سيف : وعلى كدا مين فينا احنا التلاتة اللي هيمسك
شيخ القرية ويتحكم في أمورها
البهنساوي : الحكم هيبقى ثلاثي لعيلة الظواهري و اي حد فيكم يقدر يتحكم في امور البلد ومحدش ينزله كلمة ، وطبعا هيبقى ليا انا كل الاختيارات بعيد عن فقراء البلد يا سيف بيه
ضحك الكل على كلام فاروق وبعديها وافق الكل على كلامه وطلب منهم البهنساوي أنه ياخد صورة ليهم بمناسبة الاحتفال دا ، وقام الكل من على السفرة عشان يدخلوا الاوضة اللي فيها كاميرا التصوير
وقفت الإخوات التلاتة وقام فاروق بالتقاط الصورة
وبعديها غادروا البيت ، واتفقوا يتقابلوا تاني بعد
يوم تنفيذ العمل..!
و رجع البيت تاني لحالته ، ورجع كئيب ومخيف بدأت أتجول فيه من تاني ، بس بعيد عن الحمام والمطبخ المرعبين دخلت الغرف اللي على الشمال من وانا داخل من بابا البيت ، وكانت اول اوضة فيها قماشة كبيرة بيضا وكرسي خشب وكاميرا قديمة جداً ، وقفت قدامها وفجأة الكامير
صورتني لوحدها...!!
قربت منها عشان اشوفها...ولاقيت صورتي في الكاميرا لكن مكنتش لوحدي..!!
كان في واحدة ست جمبي هي هي نفس الست الي شوفتها في المطبخ..!!
خرجت جري من الاوضة بسبب اللي شوفته جوا..!!
و قبل ما ادخل الاوضة التانية ، طلعت على السلم عشان اعرف اي اللي في الدور الي فوق..؟!
واللي هو كان عبارة عن ٣ غرف ، غرفة في الوش و غرفة على يميني و اخر غرفة على شمالي ، قربت من الغرف التلاتة ودخلت الغرفة اللي على اليمين وفتحت اوكرة الباب اللي كانت مصديا
عملت صوت تكة لحد ما الباب اتفتح وكانت الصدمة..!!
كانت الاوضة فاضية تماماً مفيهاش غير لمبة صفرا نازلة من السقف وكرسي محطوط في منتصف دايرة حمرا وفيها علامة اكس وعلى الكرسي كان موجود جثمان بني ادم..!!
بس اتحلل خالص بقا هيكل عظم وفي أسنانه في ورقة مكتوب فيها
(حرف الــ م وسهم لليمين)
للوهلة بدأت افهم الورقة دي تخص اي ، بس عشان أتأكد كان لازم ادخل باقي الغرف ، واللي لاقيت فيها كل اللي توقعته
دخلت الاوضة اللي بعدها ، والي كانت في الوش على طول وكان فيها نفس الأوضة اللي فاتت اللمبة الصفرة والكرسي و الدايرة الحمرا وحتى كمان الجثة موجودة لكن تختلف الورقة اللي موجودة في بوقه وكان مكتوب
(حرف الـــ م و سهم لتحت)
وطبعاً عزيزي المرعب اخر غرفة كان فيها الورقة الأخيرة واللي هي تخص حرف الــ خ
اللي هو جثته خالد الظواهري
مكنتش فاهم كل دا لي وكل دا حصل ازاي لكن عرفت لما دخلت الاوضة التانية اللي في الدور الارضي تحت
ولما دخلتها لاقيت مكتب وقاعد عليه شخص مديني ظهره ولابس طربوش احمر وكان بيكتب حاجة لكن الاوضة اتغيرت فجأة..!! زي ما الصالة والسفارة اتغيروا ولقيت فاروق البهنساوي هو اللي كان قاعد على المكتب ومديني ظهره و قام من مكانه عشان سمع صوت الباب بيخبط ، وخرج من الغرفة على بارا عشان يستقبل صحابه الثلاثة من عيلة الظواهري
قام بضيافتهم وقعدو على السفرة وبدء الكلام
سيف الظواهري : ها يا فاروق هنعمل اي..؟!
البهنساوي : كل واحد هياخد ورقة من دي..!! ومعاها سكــ-ينة وهيطلع الغرف اللي فوق ويدخل يقعد على الكرسي وانا هشتغل من مكاني هنا ، و اول ما تقعدوا على الكرسي تفتحوا حتة صغيرة من أي مكان في جسمكم المهم تنزلوا د-م على الورقة اللي معاكم وساعتها العمل يبدأ..!!
استغربوا الاخوات التلاتة من طلب فاروق البهنساوي لكن وافقوا من غير نقاش و طلعوا على الدور اللي يفوق وكل واحد دخل غرفته وقعد على الكرسي زي ما فاروق طلب
فضل فاروق قاعد على السفرة لوحده وماسك الورقة اللي فيها شخبطة وشوية طلاسم وبدء يقول كلام غريب و غمض عينه وفجاءة...!!
طلعت عنيات الشغالة من ورا فاروق البهنساوي و طعنته عدة طعنات لحد ما فارق الحياة...!!
وكان في نفس الوقت ابراهيم الزيني سواق فاروق الخاص بيطـــ-عن الاخوات الثلاثة عيلة الظواهري..!!
مفهمتش حاجة وكنت مصدوم جداً من اللي حصل وبشوفه.!!
لكن فضلت متابع عشان اعرف الحقيقة
بعد ما خلص ابراهيم الزيني قتل عيلة الظواهري ، نزل لعنيات عشان يطمن إنها خلصت على فاروق بيه البهنساوي ولما أتأكد إنها خلصت عليه
غدر بيها..!! و دخل وراها المطبخ و خنقها لحد ما مــ*اتت ، مفضلش غير (ابراهيم الزيني) بس اللي عايش
وبعد كل دا لاقيته دخل الغرفة الاولى اللي في الارضي ، ولما دخلت وراه ملقتش حاجة..!! اختفى ملوش اثر...!!
بس قبل ما يختفى وقعت منه ورقة كبيرة زي البطاقة فيها صورته واسمه لكن الاسم دا انا عارفه
دا اسم ابويا...!! جمال كامل العزيزي
مش ممكن هل ابراهيم يبقى هو جمال ابويا ازاي..!!
خدت الورقة وخرجت من بيت البهنساوي جري ناحية بيتنا ولاقيت ابويا قاعد بيتكلم مع احفاده و بيحكلهم قصة
بيت البهنساوي اللي كان بيحكهالي زمان وانا صغير ، دخلت عليه و قطعته في الكلام وقولت : انا عرفت بقا القصة الحقيقية يا ابراهيم يا زيني..؟!
بصلي ابويا باستغراب وقام من مكانه وقال انت جبت الكلام دا منين يا (زين)
زين : مش مهم المهم اني عرفت الحقيقة وانك طلعت مخبي علينا انك السبب في اللي بيحصل في بيت البهنساوي
وانت اللي مخلص عليهم كلهم..!!
فجاءة ابويا وشه احمر وقال : اسكت انت متعرفش الحقيقة
زين : لا عرفت انك قتلت البهنساوي وصحابه انت
وعنيات الشغالة
جمال : و معرفتش اني لحقت البلد من شر كبير جاي عليها انت متعرفش فاروق البهنساوي و عيلة الظواهري دول بيعملوا اي ، كان كل اسبوع يجيبوا خمرا وحشــ-يشو نسوان و بيقلب البيت بتاعه مسخرة وكان عايز يخلص على
(خليل باشا) شيخ البلد ساعتها ، و يمسكوها هما عشان الخراب يعم على البلد كان زمانك دلوقتي بياع مخــ-درات وعيل مدمن لو الناس دي كانت مسكت القرية، انا اللي أنقذت البلد من فقر و زنـ-ــا وخراب
وجاي تتهمني اني السبب في اللي بيحصل جوا
زين : طيب لي قتــ-لت عنيات الشغالة؟!
جمال : دي الحاجة الوحيدة اللي ندمت عليها طول حياتي بسبب أن الشيطان لعب بيا وقتـ-ـلتها عشان اخد صندوق الدهب اللي عند فارق البهنساوي
زين : اما اي قصة الاطفال اللي بتظهر في البيت دي
وترجع تاني لأهلها..؟!
جمال : دا كان انا.... بخوف الناس عشان تبعد عن البيت ومتعرفش اللي حصل جوا..!! لكن حصل عكس كدا والشرطة حاولت الدخول ساعتها قولت هتكشف لكن لحقت نفسي و سبقتهم هناك و خلصت عليهم وقبل ما اخلص على الأخير فيهم صرخ صرخة جامدة اوي..!! خاف مني كان فاكرني عفريت أو جن بقتل فيهم ، وبعد ما خلصت عليهم خبتهم في البيت والحمدالله الناس خافت من البيت اكتر و بعدت عنه خالص ، بس اكيد مش هيجي ابني في الاخر وهو اللي
هيبلغ عني..؟!
زين : اي هتقتلني انا كمان..؟!
جمال : دي الحاجة الوحيدة اللي مقدرش اجاوب عليها لكن لو مصمم تعمل كدا فأنا اهوا قدامك
مكنتش عارف اعمل اي مش عارف اختار مين ، عيني كلها دموع و مش قادر افكر دخلت اوضتي وقعدت افكر لحد ما روحت في النوم ، و يومها صحيت على صريخ جامد اوي كانت امي ، شافت ابويا منتحر..!! و سايب ورقة كاتب فيها انا اسف يا زين بس هو دا الحل طالما هيريحك ابوك جمال
ساعتها حسيت بالذنب وندمت اني دخلت البيت ، وعرفت لي ر** بيبقى حاجب عننا الحقيقة ومش عايز يورهالنا عارف انها هتوجعنا وتوجهنا لطريق الهلاك و بلا راجعة.......
وكدا تكون خلصت قصتنا ي*** تكون عجبتكم
سلااااااااااااااام..🫡
