فضفضة كن سند لنفسك (1 المشاهدين)

ZAHRA قال:

أصعب خذلان مش إن حد يبعد... أصعب خذلان إنك تكون فاكر إن وجوده ثابت، وإنه السند اللي هتلاقيه وقت ما الدنيا تضيق بيك، ثم تكتشف إنك كنت متعشم أكتر من اللازم.
الحياة علمتني إن القلوب بتتغير، والظروف بتتبدل، والوعود أحيانًا بتذوب مع أول اختبار. علشان كده ما تحطش كل قوتك في إيد حد، مهما كان قريب، ومهما كان غالي.
اتكئ على نفسك أولًا، وخلّي ثقتك في قدراتك أكبر من ثقتك في وجود الآخرين. لو لقيت حد يسندك، اعتبرها نعمة جميلة، لكن ما تبنيش حياتك كلها على وجوده.
لأن الحقيقة اللي بنتعلمها بعد كل خذلان، إن أكتر شخص هيقف جنبك في أصعب لحظاتك هو أنت. وأقوى كتف ممكن تتكئ عليه هو كتفك، وأصدق يد ترفعك بعد السقوط هي يدك.
فلا تتعشم كثيرًا، ولا تربط سعادتك بأحد، وكن لنفسك وطنًا إذا ضاقت بك الطرق، وسندًا إذا غاب الجميع.
فالذي يعرف كيف يسند نفسه... لا تكسره خيبة، ولا تهزمه غيبة، ولا يقتله انتظار.

أنقر للتوسيع...