خواطر عشق متملك (1 المشاهدين)

عشقك؟
ده مش مجرد إحساس عابر… ده سلطان ماسك قلبي بقبضة من لهفة.
وجودك جوايا عامل زي نار هاديه… ما بتحرقش بس بتدوب كل مقاومتي.

أنا قدامك مش نفس الشخص…
بتملكني النظرة قبل الكلمة
وتهزني البسمة قبل الهمسة
وكأني أول ما بشوفك… بنسى أنا مين وبافكر بس فيك.

عشقك متغلغل في روحي لدرجة بتخوف
مش خوف منك
خوف عليك…
وخوف من شدة التعلق اللي ماعرفتش لها باب خروج.

إنت مش بس حبيب…
إنت وطن اتولدت فيه فجأة
وملجأ بروح له وأنا مطمنه
وحاجة جوايا مش باتحكم فيها… ولا عايزه أتحكم.

أما آخر الحكاية…
فبقيت أحس إنك علامة غريبة محفورة في صدري
تلمع في العتمة زي أثر ما يروحش…
وتنادي على روحي من غير صوت.

بقيت شبه ظلك…
أمشي وراك من غير ما أمشي
وأشوفك في حاجات ما فيهاش ملامح
وأسمعك في سكوت مالوش معنى.

ولو سألتني: بحبك قد إيه؟
هقولك: للدرجة اللي ما بقاش قلبي قلبي
ولا بقيت أنا… أنا
كأنك استوليت على المساحة جوايا…
وخليتني أسكن فيك أكتر ما أسكن في نفسي.💓💓💓💓💓💓💓💓