خواطر بعد عمرى (خاص بمسابقه خماسيه الابداع) (1 المشاهدين)

بعد عمري…
الكلمة اللى كل ما أقولها أحس إني بسلم قلبي لحد
حد يستاهل
حد أعرف إنه لو مسك الوجع جوايا… هيهديه مش هيزيده.

بعد عمري…
مش لقب ولا دلع
دي راحه…
راحه قلب لقى حضنه
ولقى اللى يعرف يمسح خوفه من غير ما يسأله: مالك؟

أنا لما بقولها
بحس إن عمري اللي فات كله كان مشوار طويل
بيوديني ليك
وإن كل حاجه اتكسرت في…
اتصلحت يوم قربت مني.

إنت بعد عمري…
لأنك بقيت الحته اللي بتهدي روحي لما تتلخبط
الصوت اللي لو ناداني من بعيد…
تهدأ دقات قلبي كأنها لقت الطريق.

بعد عمري…
إنت اللى بوجودك بفتح الدنيا من تاني
بنسى الوجع
وبفهم إن ر** بيبعت لقلوبنا ناس…
مش علشان نعيش بيهم بس،
لأ…
علشان نعيش من غير خوف.

ولو سألتني:
ليه إنت؟
ليه بعد عمري مش غيرك؟
هقولك…
لأنك كنت الحضن قبل ما تبقى الحبيب،
والأمان قبل ما يبقى في بينا كلام
والراحة قبل ما يبقى للحنين شكل.

بعد عمري…
إنت اللى لو غبت
أحس إن الدنيا ناقصها روح
وإن قلبي واقف على بابه مستني خطواتك…
زي *** مستني أبوه في آخر اليوم.

بعد عمري…
مش مجرد كلمة…
دي وعد.
وعد إن مكانك جوه قلبي…
محدش قبلك وصله
ومحدش بعدك يقدر يوصل له.