- إنضم
- نوف 1, 2025
- المشاركات
- 1,273
- نقاط
- 60,815
المظهر ولا الجوهر؟سؤال بسيط… بس إجابته بتفضحنا كلن
إحنا بنشوف قبل ما نفهم.العين بتسبق العقل
والمظهر دايمًا أول باب بندخله… حتى لو كنا بننكر ده
الشكل حلو؟ آه مهم.بيشد
وبننجزب ليه
وبيخلي القلب يقول “طب خلينا نقرب”.
بس المشكلة لما الشكل يبقى كل الحكاية
والجوهر؟
يا إما فاضي
يا إما مستخبي ومحدش سأل عليه
فيه ناس شكلها يدوب الحجر
بس أول ما تتكلم
تحس إنك واقف قدام واجهة شيك
وراها شقة فاضية
وفيه ناس شكلها عادي جدًا
بس لما تقعد معاهم
تحس بالأمان
تحس إنك متشاف
ومسموع
الوجع الحقيقي
لما تختار حد علشان شكله
وبعد شوية تكتشف
إنك لوحدك وانت معاه.
لا احتواء
لا فهم
ولا حتى اهتمام حقيقي…
بس صورة حلوة قدام الناس
بس خلينا نكون صرحا
الجوهر لوحده مش كفاية برضه
ماينفعش تطلب من حد يحبك
وانت مهمل نفسك
وشكلك
وطريقتك
الاهتمام بالمظهر مش سطحيةدي رسالة بتقول:
“أنا مقدر نفسي”
المعادلة الصح؟
إن الشكل يفتح الباب
والجوهر يخلي الباب يفضل مفتوح.
إن الانجذاب يبقى شرارة بتبتدى بيها الحكايه
يمكن السؤال مش
المظهر ولا الجوهر؟
يمكن السؤال الأصدق:
إحنا بندور على إيه فعلًا؟
حد نِتباهي بيه؟
ولا حد نرتاح معاه؟
ولا الاتنين… لو لقيناهم؟
وكل رأي ليه احترامه
بس خليك صادق وانت بتجاوب
قبل ما ترد.
