- إنضم
- نوف 1, 2025
- المشاركات
- 1,260
- نقاط
- 60,670
لهفة العيون
في حاجه دايما أسبق من الكلام…
نظرة تسبق السلام… ولهفه تسبق الخطوه.
العيون ساعات بتفضح شوقنا من غير ما نتكلم
وساعات بتقرب المسافات أسرع من ألف حضن.
عينه أول ما بتلمحني…
بحس إن الدنيا كلها بتقف لحظه احترام للشوق اللي ما بينهم.
نظره منه تقدر تطمن قلبي
وتخلي برد الدنيا دفا
وتخليني أنسى كل تعب اليوم في ثانيه.
ولهفة العيون؟
دي الحكاية اللي من غير حروف…
الاعتراف اللي من غير صوت…
والقرب اللي بيبدأ قبل ما القلوب نفسها تلحق.
يمكن الكلام يتلخبط…
يمكن الإيد ترتبك…
لكن العيون؟
عمرها ما كدبت ولا خبت ولا عرفت تمثل.
وفي لهفته…
بشوف حنيني وبشوف مكاني
وبشوف أنا كامله إزاي وهو بيبصلي كإنه لسه بيشوفني لأول مره.
ولهفه العيون…
هي أول حب وآخر وعد
وأصدق طريق يوصل لقلب من غير ما نتحرك خطوة.
