- إنضم
- نوف 1, 2025
- المشاركات
- 1,260
- نقاط
- 60,670
من فين طلعتلي من فين طلعتلي؟
ولا كنت فين من بدري عني؟
جيت كإنك نسمة هاديه ف عزّ تعب روحي
ولا ضحكتك سحر خفى بيطمن قلبي وبيهديه.
من أول كلمه منك قلبي اتربك
ومن أول نظره حسيته بيتوه فـ عينيك ومش عايز يرجع.
بقيت كل حاجه فيا بتندهلك
نفسي نبضي وحتى صمتي لما بيطول بينا المسافه.
يا وجع حلو مالي قلبي
يا فرحه متغلفه بالشوق
يا نار بتهدي و بتولع فـى نفس اللحظه.
وجودك غير في حاجات كتير،
خلاني أصدق إن في حب مش بيختار
حب بيحصل كده... من غير ميعاد ولا استعداد.
من فين طلعتلي؟
ومنين جبت كل الحنيه دي؟
ده حتى لما بسكت بحس إنك سامعني
ولما تبعد كل حاجه فيا بتقربلك غصب عني.
يا وجعي منك وليك
يا لهفة بتسرق نومي
يا حنين ساكن في ملامحي وريحته منك حواليا.
وحشني صوتك وضحكتك ولمسة الحنيه فـ كلامك.
وحشني حتى سكوتك لما تبصلي بنظره فيها دنيا بحالها.
بشتاقلك قبل ما تغيب
وبدور عليك فـ الهوا اللى بيعدي
كإني عايشه منك وليك
ومفيش حاجه في الدنيا ليها طعم غير وانت معايا.
بحبك...
بحبك بوجع الحنين وبلهفة الشوق وبراحة الحضور.
بحبك بصمت العيون وبخوف الفقد وبأمان الحضن.
إنت مش مجرد حب
إنت معناه... وإنت أنا لما بحس إني لقيتني فيك.
