فضفضة فقدان الشغف (1 المشاهدين)

[ZAHRAZAHRA is verified member.]

لما الشغف يضيع... وبنفضل ندوّر عليه ....
يا جماعة... حقيقي عايزة أتكلم معاكم عن حاجة يمكن كلنا مرينا بيها فـ وقت من الأوقات — "فقدان الشغف".
الاحساس ده اللي بيخليك تصحى كل يوم مش حاسة بحاجة، لا طاقة ولا حماس، كل حاجة بقت روتين... لا طعم، لا لون، لا روح.

كنت زمان بتحبي حاجات معينة، تفرحي بحاجات بسيطة، تتحمسي لفكرة جديدة...
دلوقتي لأ، بقى كله عادي، كأنك بتعيشي وخلاص.
بتحاولي ترجعي الشغف ده بأي طريقة — تسمعي مزيكا، تقري، تخرجي، تكلمي حد — بس برضه مش نفس الإحساس.

ساعات بحس إن فقدان الشغف أخطر من الزعل...
لأن الزعل بيتنسى، لكن لما تفقدي شغفك، بتحسي إنك فقدت جزء من نفسك.
مش عارفة هو تعب نفسي؟ ولا ضغط؟ ولا ملل من الروتين؟
بس اللي أنا متأكدة منه إن كلنا محتاجين "وقفة مع نفسنا" نراجع فيها روحنا قبل ما تضيع وسط الزحمة.

قولولي بصراحة…
هل في حد فيكم حس كده قبل كده؟
وازاي قدرتوا ترجعوا الشغف اللي كان جواكم؟
ولا هو فعلاً لما بيروح... ما بيرجعش؟

انقر لمشاهدة المزيد...

 

[احمد الجوكراحمد الجوكر is verified member.]

تسلم ايدك

 

[ZAHRAZAHRA is verified member.]

تسلم ايدك

تسلم احمد بس قولى أي رايك